fbpx

PDK prezanton argumente të manipulimeve të VV-së në Prizren

Facebook
Shperndarje

Gjatë një konference për media, Blerand Stavileci i PDK-së, ka thënë se në zgjedhjet lokale ka pasur parregullsi.
Ai ka thënë se Lëvizja Vetëvendosje ka manipuluar dhe shantazhuar në Prizren.

“Ka fakte që njerëz të VV-së kanë manipuluar në Prizren. Këmbëngulja e VV-së për mos rinumërim të votave na e forcon dyshimin që votat janë manipuluar. Bëjmë thirrje që të ketë rinumërim të votave. Në provat që ne i kemi siguruar vrehen veprime te dyshimta dhe vërtetohet se si në mënyrë të paligjshme kryhen veprime brenda qendrave të votimit. I ftojmë organet kompetente të merren me këto prova që do t’i prezantojmë”

ka thënë Stavileci në këtë konferencë. Sipas Stavilecit, në pamje shihen persona të paautorizuar teksa bartin kuti votimi. Ata thonë se përveç bartjes së votave në mënyrë të dyshimtë, në Prizren ka pasur edhe presion, vjedhje votash me trenin bullgar, e po ashtu me gabime në procese të numërimit.

Betim Gjoshi, përfaqësues i PDK-së në KQZ ka thënë se gjatë numërimit të votave me kusht kanë munguar tri zarfe të votave.

“Në Prizren është përdorur treni bullgar. Në ditën e zgjedhjeve më 19 nëntor ka pasur asamblistë të VV të cilët janë paraqitur si vëzhgues por që nuk kanë qenë të akredituar”, ka thënë Gjoshi.

Sipas tij, PZAP duhet të hetojë faktet e paraqituar siç është mungesa e disa zarfeve duke shtuar se do të paraqesin ankesa nga PZAP.

Anëtarët e PDK-së kanë thënë se votat janë bartur nga një aktiviste e Vetëvendosjes, me emrin Dafina Morina e cila nuk ka pasur të drejtë t’i bartë kutitë pasi ka qenë vetëm vëzhguese.

Lajmi paraprak

LDK dhe PDK dërgojnë ankesa në PZAP, kontestojnë zgjedhjet në 6 komuna

Lajmi tjetër

Ky është shteti me pagat më të larta në Europë

MË TË FUNDIT